Ônlangs op 10 jannewarie 2020 is auwt- Jeugdprins Gerard Killaars euverleeje.
Gerard Ie ( Killaars ) waor Jeugdprins in 1967. Saame mit de grwoate Prins Nand I ( Ubachs ). ‘t Waor ‘t vastelaovesjaor woo-in de Steinder Bök de grwoate iër houw oom de Limburgse Buute-Finale te organizeere in de industriehallen van de firma Aarts. Jeugdprins Gerard I belaefde zien hwoagtepunt tiejes de Kènjeroptocht op vastelaovesmaonjig.
Doordat ver oet oos jeske greujde mit oos prinsereceptie heat oos bestuur beslaote de receptie vanaaf 2020 in MFC de Grous te doon. Dao hubbe ver get mjea ruimte en dao kènne oos gaste auch get beater parkere. Weer danke Tommie veur zien jaorelange gastvrieheid en wunsje häöm verder väöl succes mit zien eatcafé.
Weer wunsje uch eine sjieke Vastelaovend!
Dit berich is bie de Sociëtee Oud Prinsen (’t SOP) en Vastelaoves Vereiniging de Steinder Bök mit dreufenis ontvange. Oud Prins Lei I waor prins van de Steinder Bök in 1982.
Oud prins Lei I volgde Jan Dassen op in ’t jaor dat de Steinder Bök hun tentfeesten op hun hoogtepunt waoren. Hea woort oetgerope in ein bomvolle feesttent en ging Stein veur in de Vastelaovend.
’t Verlees van zien geleefde Bep en zien broze gezondheid woorte häöm oeteindelik fataal.
Oos gedachte gaon oet nao kénjer, familie en vrujn.
Lei, Alaaf!
Sociëtee Oud Prinsen ’t Sop
Vastelaoves Vereinging de Steinder Bök.
Aafgeloupe jaor maogde Mart Leenaerts nao 3 x 11 jaor Optochtjury bie zien aafsjied de Culturele Ere-Orde in ôntvangs numme. Vanaaf toen is de zeuktoch nao oetbreiding van de jury begoos. Veurnaamste opdrach waor oetbreiding aan de vrouwelijke kant van deze groep externe vriewilligers die elk jaor belangeloos tied en energie steake in ’t beoordeile van de optochtdeilnummers. (Woveur Hulde!)
Weer kénne uch mit väöl plezeer melden dat de Jury inmiddels is oetgebreid en aangevuld. De complete Jury besteit noe oet Math Vaassen, Bert Brouwers, Thei en Babette Smeets, Maurice en Petra Smeets (voormalig Steinder Garde) en reservelid Wethouder van Cultuur Gina van Mulken. Weer zeen erg verheugd mit deze groep en höbbe d’r alle vertroewe in dat zie hun taak serieus en zorgvuldig zullen vervullen.
Op zônjig 11 november aanstaonde is ‘t weer zwoawiet. Dan start officieel ‘t nuuje Vastelaovessezoen 2018-2019. Op dea daag is d’r ein vol programma. Om 11:00 oer s’mörges start de daag mit ein Heilige Mis in de St. Martinuskirk. Societé St. Martin Fanfare de Stein zal dees mis muzikaal oploestere. Nao de mis zal de fanfare de stoet veurgaon richting MFC de Grous. Nao ein korte pauze zal dao ônger deskundige begeleiding van de Steinder Garde en langs de erehaag van de Sjötterie St. Joseph ôm hauf twee ‘t sezoen officieel ingesjaote weare mit 11 saluutsjöt. Societé St. Martin fanfare de Stein en Sjötterie St. Joseph zal de stoet begeleide nao ‘t Bèsjebeeld aan de Dirgele. Hie zulle de Bèsjen van Stein ein eerbetoon brènge aan oos euverleden Vastelaovesvrujn en zullen de Hwoaglustigheden van Stein ein kranslegging doon. Vanoet ‘t Bèsjebeeld trèkke ver gezamenlijk nao ‘t Wilhelminaplein wo Café de Bekker en Café de Poart ein grandioos PleinfeStein georganiseerd höbbe. Sjrief de datum noe alvas in uche agenda!
Gezoch! Bèsjen!
En dan bedoele weer neet die gezellige dames die ummer woosj en sjènk in hun méndje höbbe mer echte ouw exemplaare van oos Hoesblaad de Bèsj. Ooze Archivaris Nicole (jao, dochter en echgenote van twjea oud-prinsen) zeukt nog de exemplaare van 1949 t/m 1969 en de editie van 1972. Hub geer eine of meerdere van de gezochte edities en wilt geer deze aan oos aafstaon? Mail dan nao info@vvdesteinderbok.nl. Dan krieg geer van oos ein lekker flesj wien. (Veur bie behwérrende woosj en sjènk kènt ger terech bie oos vriendinne van de Bèsjen ). Alvas hartelijk dank!
Gisteren bereikde oos ‘t berich dat Oud Prins Rens I Rinkens nao ein ziekbed is euverleeje. Dit berich is auch bie Vastelaoves Vereiniging de Steinder Bök mit dreufenis ontvange. Oud Prins Rens I waor prins in 1977, same mit jeugdprins John I Hermans (en zien zusje Angelina). In 1982 zouw ziene zoon Marco later jeugdprins en ziene broor Lei prins weare bie de Steinder Bök.
Oud prins Rens I volgde Wiel Voncken op es prins van de Steinder Bök. In ein bômvolle fjéstent woort hea op de galazitting oetgerope.
Oos gedachte gaon oet nao zien vrouw Thea, kénjer en kleinkénjer, familie en vrujn.
Rens, alaaf!
Vastelaoves Vereinging de Steinder Bök
Deze weak bereikde oos ‘t tragische berich dat ooze Oud Prins Paul II Berix nao ein ziekbed is euverleeje. Dit berich is bie Vastelaoves Vereiniging de Steinder Bök mit dreufenis ontvange. Oud Prins Paul II waor same mit ziene zoon Bas prins en jeugdprins van de Steinder Bök in ’t Millenniumjaor 2000.
Oud prins Paul II volgde Harold Salden op es prins van de Steinder Bök. Paul heat zich väöle jaore ingezat veur de Steinder Vastelaovend en de Steinder Bök in ‘t biezunjer. Es buurman van de Wageboewers in de Optochhal waor Paul eemes dea niks teväöl waor es ’t ging ôm assistentie op welke maneer dan auch.
Oos gedachte gaon oet nao zien vrouw, familie en vrujn.
Paul, alaaf!
Vastelaoves Vereinging de Steinder Bök
Deensdig 16 jannewari ôntvinge weer ein vreselijk bericht. Wiel Vestjens, bekènd van ônger angere de Kamereaodjes (in 2006 nog finalist in ’t LVK in Stein) is euverleeje. Aafgeloupe November is Wiel door de SLV nog gedecoreerd mit de Gouden Narrenkap. Onze condoleances gaon oet nao familie en vrunj van Wiel.
Vandaag bereikde oos ’t tragische berich dat ooze Oud Prins Pierre III Coumans nao ein ziekbed is euverleeje. Dit berich is bie de Sociëtee Oud Prinsen (’t SOP) en Vastelaoves Vereiniging de Steinder Bök mit dreufenis ontvange. Oud Prins Pierre III waor prins van de Steinder Bök in 1997.
Oud prins Pierre III volgde Math Penris op es prins van de Steinder Bök. Pierre heat zich väöle jaore ingezat veur de Steinder Vastelaovend en de Steinder Bök in ’t biezunjer. Jaorelang veurde hea ’t sikretariaat mit ein grwoate precisie. De létste jaore waor hea nog zeer actief veur ’t SOP.
Oos gedachte gaon oet nao zien vrouw, familie en vrujn.
Pierre, Alaaf!
Sociëtee Oud Prinsen ’t Sop
Vastelaoves Vereinging de Steinder Bök
